لما اتقابلنا أول مرة جبتلي بوكيه ورد بلاستيك
من اللي العرايس بيمسكوه ف ايدهم ده
و قولتلي أنا عارف انك مبتحبيش الورد البلاستيك
بس الراجل مكنش عنده ورد طبيعي!
انك تبقى عارف الحاجة اللي بحبها وتحاول تعملها على اد ماتقدر
بس عشان ترضيني
ده -بالنسبالي- كان سبب اكبر بكتير من كافي عشان أحبك
أنا اللي متعودة من الناس يبقوا عارفين كل الحاجات إلي بتضايقني
و بكل بساطة -ونمطية- يعملوها!
عشان كدا مش بزعل نهائي لما بتجبلي وردة بلاستيك بدل الطبيعي
عشان ملقتش
أو لما بتغنيلي أول كوبليه من أغنية وتسكت
عشان مش فاكر بقيتها
أو لما بتحكيلي حدوتة مكونة من سطرين
عشان مبتعرفش تحكي حواديت
بالعكس ببقى مبسوطة جداً
وبتأكد ساعتها إني كان عندي حق لما حبيتك
العنوان: اغنية لسيلين ديون
الصورة: لمحمد وهو بيديني الوردة البلاستيك
No comments:
Post a Comment