Thursday, May 24, 2007

.....و ألقـــاكـــــم بعــــــــد الفــــاصــــــــــل

هيييييييييييييييييييييييييييييييي
((: اخيرا بكتب بوست جديد
((: لأ و ايه بالعربي
طبعا قبل ما تسرحوا و مخكوا يروح لبعيد
البوست ده مش لوجه الله كده
ده الغرض منه
إعلامكم بمعاد امتحاناتي الشريفة
اللي هيا يوم السبت اللي بعد الجاااااي
2/6/07
و هتنتهي بإذن الله يوم
24/6/07
طبعا التاريخ ده تحفظوه زي اساميكو كده (يا حبذا لو أكتر من اساميكو كمان)
عشان ابتداءًَ (اولموست هيا بتتكتب كده لول) من هذا التاريخ اللي هو 2/6 لحد 24/6
يومياً
بمعدل 5 مرات (((:مع الصلوات الخمسة يعني)
لو أكتر يبقى خير و بركة لول
و خدوا بالكم ان لما هتدعولي الملايكة هتقولوكو و لكم مثلها
((; يعني جاية عليكو بمكسب اهه
((: و يا سلام بقى عالثواب اللي هتاخدوه اما تنشروا الموضوع ده
((: يعني نظام أنشر تؤجر
كل واحد ينزل بوست يقول فيه ادعو ل منة
و يا ريت أحمد مبرمج حر يتكرم و يعمل بانر (ولا مش عارفة اسمه ايه ده)
يقول ادعوا ل منة
(يا سلام بقى يابو حميد لو عملت تاج... "هل دعيت ل منة؟؟؟" )
((: و المدونين كلهم يقوموا بلطعه في مدوناتهم
و على الله أدخل مرة مدونة مالاقيش البوست و البانر ده اللي
/: بتقولوا فيه ادعوا ل منة
و يا حبذا بقى (شوفتو حبذا دي)
لو ايميلات و مسجات فيها الجملة دي
"ادعوا ل منة (انشر تؤجر)"
و هنيالك يا فاعل الخير
و الدال عالخير كفاعله
ياللا عليزة أشوف الحاجات اللي قلت عليها دي
ما تكامنتووش
نزلو البوستات على طوووووووووول
ملحوظة:
1) :إلى احمد مبرمج حر
متكمنتش عندي قبل ما تصمم البتاع
/: اللي انا قايلة عليه فوق ده
/: ورينا البرمجة بقى
2) :إلى الناس اللي هتدعي
يا ريت الدعا يبقى بذمة و يكون على وضوء هه؟؟
أشــــــــــــــــــوف وشكـــــــــــــــــوا بخيـــــــــــــــــــــــر

40 comments:

esraa said...

ربنا معاكي يامون
ان شاء الله هنزلك البوست يوم الخميس الجاي اوك
ذاكري ها

Amr Ahmed said...

يووووووووووووووه

هتقلديني كمان يوم الامتحان
هتبداي معايا

يللا مش مهم

يااااااااااااااااااااارب

انجح

ههههههههههه
وانتي كمان ياستي متعيطيش

بس انا قلتلك انا مش هحط البانر

او ممكن يعملولي بانر انا كمان

والا فلا

فيس بيطلع لسانه

ربنا معانا كلنا

zordeak said...

ربنا معاكى يا رب

بدعيلك اهو والفجر بيأدن

ربنا معاكى يا رب

وتنجحى وتجيبى اعلى الدرجات

وتجيلنا مرفوعة الراس ان شاء الله

:)

تسـنيم said...

حاضر يا ستو.. عُلم ويُنفذ وهعملك إعلان في المدونة عندي للبوست ده علشان نلملك زبايييييييييييين وربنا يجعله بفايدة..


يا قووم ادعوا بذمة لمنة أختي


محبتي يا موووون

REEMOO said...

ربنا معاكى يا منه
وأول ما أحمد يعمل البانر على طول هنزلهولك فى المدونه عندى
إدعو لمنه والأجر والثواب عند الله
:))
محبتى

Moody said...

نياهاهاهاها
انتى بتشحتى على باب الحسين؟
من غير ماتقولى بندعيلك, و انا عن نفسى هحطلك اعلان فى ميدان التحرير بيقول
إدعو لمنة تذاكر و تنسى البلوج شوية
و لول طبعاً

واحـــد مـــــن الـنـــاس said...

يا حبذا لو تحلي كويس في الامتحانات

وحتى لو لا قدر الله في سؤال صعب
اعملي نفسك مشوفتيهوش

ويكانك مشوفتهوش يعني

اشطة ؟؟

مصـ( الخير )ـعب said...

هههههههههه

ربنا يا رب يوفقك يا منة

انتي حد يستاهل كل خير

Ma-3lina said...

ربنااااااا معاكى يا قمر

انتى بس ذاكرى كويس و احنا هنظبطك دعاء قد كدااا

Dark Shade said...

Rabena ma3ake :)

sheddy 7elek enty bass ...

enty testahly koll 7'eer , sada2eny :)

The Groom said...


ربنا يكرمك

ويوفقك ويشرح صدرك وييسرلك أمرك ويحل عقدة من لسانك يفقهو قولك

:)

تحياتي لك من ماناساس البلد

تسـنيم said...

يا قووووم موني ذا أنجيل في ثانوية ازهرية يعني كلاكيت مرة واحدة بس مش فيه فرصة في تالتة زي اخوانا بتوع الثانوية العامشة.. ها سامعني

وفيزيا على كيميا على أحياء على استاتيكا على ديناميكا على جبر وحساب مثلاثات على تفاضل وتكامل وانجليش ومن كل لون ياجميل غير مواد اللغة العربية والشرعية التي تميز الثانوية الأزعرية عن الثانوية العامشة.. ده غير ان اللي بيحط جدول الامتحانات واحد كده اسمه عبد الله محدش يعرفه مش زي حالتكم بيعملو استقصاء على جدول الثانوية العامة ولو مش عاجبكم يتغير..

كده عرفتوا جميع الملابسات علشان يبقى الدعا بذمة اوووووووووووووووووووي ماشي

جواد بري said...

انا قلت دخلت مدونه غلط
بوست عربي عندك انتي؟
وبعدين نزلت علي شلال الشحاته تحت ففهمت الفوله
يوم 2-6
يوم 2-6
يوم 2-6
حاضر مش هنساه
2-6
2-6
ربنا يكرمك يا منه يارب
2-6
2-6
2-6
مع السلامه بقي
2-6
2-6
2-6
شدي حيلك ياموووون واعملي اللي عليكي

LAMIA MAHMOUD said...

ربنا معاااااااااااكي

جيت ادعي هنا كمان اهو

بس انتي حتبداي تاني يوم ما حخلص


الكلام ده مينفعش

ربنا معاكي يا جميييييييييييل
يااااااااااااارب

فيه زمة اكتر من كده؟؟

elkamhawi said...

اية ده انتى اسمك منه؟

بندقه said...

ربنا معاكى ومعانا يا منه
انت عامله كل الحدوته دى عشان 3 اسابيع امتحان امال احنا نعمل ايه
انا امتحاناتى هتقعد شهر ونص
اكون انا خلاص فى الباى باى

صباح الخير said...

ربنا معاك ومع كل اللى بيمتحن يا بنتى
ويوفقكوا يا رب
عليكى بالدعاء

دينا فهمي said...

تم التنفيذ يا فندم
اي خدمة
بس بقوللك ايه
اول ماتخلصي امتحانات هنعمل بانر ادعوا لدينا تتجوز بأه وتخلص من الهم اللي هي فيه (:

Dananeer said...

el sora gamda

rabna m3ake ya maskeeena

•«ρяoιd»•™ said...

ربنا يوفقك انتي و كل المسلمين

بالتوفيق و التفوق بإذن الله

تحياتي

OMA said...

ربنا معاكي ياجميييله
وحشتيني بجد يلا خلصي بقى امتحاناتك
شدي حيلك بقى ودوسي جامد :)

مادو said...

ايه ده هو حتى الدعا بقى بالتحريض
ههههههههههههه
طيب هو انا ماكنتش احب زيارتي الاولى تبقى و انتي بتمتحني لكن يلا بقى
ترجعي بالسلامة للتدوين
ربنا معاكي يا رب و بالتوفيق

khaled said...

يارب يوفقك فى الامتحان وتبقه اللجنه سهله وتعرفى تغشى وتطلعى البراشيم كلها يارب

egyboy said...

ربنا معاكى ومعايا ومع كل اللى عندهم امتحانات أصلا الأيام دى صعبة ومينفعش فيها إلا الدعاء يـــــــــــــــارب

صورة ساخرة

dandana said...

ان شاء الله هايبقى فاصل قصير...وكمان خفيف...
انتى قدها وقدود....

ربنا معاكى ياااارب

شيماء الجيزى said...

ربنا معاكى يا مونى يارب

وصلت متأخر معلش
بس علما شوفت البانر

ربنا معاكى ومع كل الى زيك بيمتحنوا يارب

تحياتى يا جميل

KaRiM said...

بجد إنتى خدتى دعاء فى المدونات ينجحك فى الدكتوراة
هههههههههههههه
مش حسد متقلقيش ..

ربنا معاكى يا منة .. وبالتوفيق دايما

buffy said...

yarab tng7y we tgeby mgmo3 kber ya 3asal

احنا وهما said...

يارب نخلص يارب
يندلق العلم وينكب
يا رب نخلص ونهيص

يارب يوفقك فى الامتحان

nour said...

ذاكرى يا موووونى
انا بدعيلك ربنا معااااااااكى
اسوأ ايام ايام الثانوية العامه ربنا ما يرجعها ايام
:ٍs

Sharm said...

ربنا معاكي

ادم المصري said...

انا نشرت الاعلان والله هاه فيه امل ؟

elkamhawi said...

ربنا يعديكى على خير
التعليم ده اصلا اسوء حاجة فى الكون فى مصر

momken said...

هو يعنى لو كتبتى البوست انجلش الدعوات مش هتوصل ولا ايه
بالتوفيق والنجاح ان شاء الله

عين ضيقة said...

ربنا يوفقك يارب

وترجعى من معتقل الامتحانات بالسلامة إن شاء الله


سلام بقى

MR-BOLICA said...

rabnaa ma3akey ya menaa isa
Ahmed

e7na said...

بالنجاح

خمسة فضفضة said...

السلام عليكم ورحمة الله وبركاته

الامتحجانات خلصت ..ايه الاخبار

ان شاء الله تكوني جاوبتي كويس وتكون الامتحانات جت سهله

ويارب النتيجه تبقي زي ما تتمني ويكون مجموعك 100 %

تحياتي

camera_girl said...

وحشتينى اوى بجد

Ferekico .. La Talomni said...

ايه يا عم
محدش عنده امتحانات غيرك؟
انا خلصت امتحانات ثانوية كلها فـ يوم واحد، و انتي بقالك سنة بتمتحني

مش عارف ايه فايدة الارهاق ده كله .. مش كان كفاية مادتين؟:)

ان شاء الله المجموع يبقى زي ما اتمنيتيه .. بس متنسيناش في العزومات و الحاجات و المحتاجات

وحشاني يا سكر
سلام